رواية ل هاجر علي

نتكلم في وقت الأستراحة 
سهر بجدية .... تمام مااشي 
جلسوا معا وأخذت أميرة تعلمها وكانت تستوعب سريعا فهذا الذي أعجب أميرة بها إستواعبها سريعا ..
..................................................
في مكان أخر ..
كانت تسير مع أصدقائها وعلا صوت ضحكاهم في الشارع ..
مصطفي .... لا والله بس كان يوم جامد 
حازم وهو يضحك .... ههههه جداا وبالأخص سما وهي بتصوت وماسكة فيك 
أخذوا يضحكون عندما تذكروا هذا الموقف ماعدا هي التي وقفت عن السير ونظرت لهم پغضب .. لتنظر لها أمنية وهي تحاول كتم ضحكتها ..
أمنيه .... خلاص خلاص يا جماعه لحسن شكلها هتولع فينا 

نظرت لها پغضب وتحدثت وهي تجز علي أسنانها ..
سما .... ااه والله نفسي عشان تبطلوا تضحكوا وبعدين ما إنت صوتي 
لينظر لهم مصطفي فتدخل في الحديث ..
مصطفى .... خلاص خلاص .. بس برضوا كان يوم جامد 
سما بتأكيد .... هو اااه بس إنتوا بصراحه قلبتوه 
حازم بإبتسامة ..... ليه بس كده كل ده عشان ضحكنا 
سما بعند .... أاااه وأنا مش هخرج معاكوا تاني 
إتجه لها مصطفي وأمسك بيديها .. 
مصطفي بنفي .... لا لا خلاص ما تزعليش طب إيه رأيك بقي عشان أصلحلك أجبلك ايس كريم 
سما وهي تنظر لساعة يديها .... بس الوقت إتاخر ولازم نروح 
مصطفي .... ياستي مش هنتأخر والله هناكل أيس كريم علي طول وبعدها نروح 
أمنية بإلحاح .... عشان خاطري بقي يا سوسو هناكل ايس كريم وهنروح علي طول 
سما بإقتناع .... تمام يالا 
حازم .... أخييييرا يا ساتر 
نظرت له سما بتحذير ..
سما .... حااازم !!! 
تصنع حازم الخۏف ..
حازم .... خلاص خلاص 
ليضحكوا علي منظره المضحك .. ثم ساروا مرة أخري وأخذوا يتحدثون في أمور عديدة ..
...............................................
إنتهي وقت العمل وذهبوا جميعهم ..
في منزل سهر .. كانت تجلس مع جدتها وسردت عليها كل شئ حدث ..
سهر بفرح .... مبسوطة أووي واليوم كان جميل جدا
وأميرة دي حاجة سكرة بصراحة 
كانت تنظر لها الجدة رقية بسعادة
الجدة رقية .... يا حبيبتي ربنا يفرحك دايما يااارب ويسعدك علي طول 
سهر بحب .... ياارب يا تيتا.. ربنا يخليكي ليا 
فتابعت بمرح .... قوليلي بقي عملتي إيه من غيري أكيد القاعدة وحشه من غيري
ضحكت الجدة علي حديثها .... هههههههه أيوه طبعا وحشه بس الحمدلله أم محمد فضلت معايا ما سابتنيش خاالص لحد ما إنت تيجي ست أصيلة 
سهر بود .... هي فعلا ست أصيلة وكويسة 
وفجأة قطعه حديثهم رنين جرس الباب .. لتنهض سهر من مجلسها وهي تتقدم نحو الباب لتقول .... أكيد دي نهي لتفتح وبالفعل تجدها أمامها ..
سهر بضحك .... والله كنت لسه قايلة لتيتا إنك إنت إللي بتخبطي 
دلفت نهيللداخل وهي تضحك ..
نهي ... ده أنا سمعتي بقت في كل مكان بقي 
ضحكت سهر علي حديثها بينما الجدة ماإن رأتها ..
الجدة بحب .... إزيك يا نهي يا حبيبتي
إقتربت نهي من جدتها وقبتلها بحنان ثم جلست بجانبها ..
نهي .... إزيك يا تيتا عامله إيه وإزي صحتك
الجدة .... الحمدلله ياحبيبتي 
نهي .... الحمدلله يارب دايما
فتابعت موجهه حديثها لسهر بحماس .... قوليلي بقي يا ست عملتي إيه لحسن أنا متحمسه أووي أعرف 
ليضحكوا علي حديثها .. 
الجدة .... طيب يا سهر أنا أدخل أريح بقي وإنت قوللها عملتي إيه 
سهر بإبتسامة .. ماشي يا تيتا 
ساعدتها سهر ونهي وقاموا بإسنادها ودلفوا لغرفتها وتسطحت علي الفراش ودثروها تحت الغطاء بعد أن أعطت لها سهر الدواء ثم خرجوا واغلقوا الباب خلفهم ..
سهر .... تعالي بقي نقعد في البلكونة وأحكيلك كل حاجه 
نهي بحماس .... إشطة يلاااا 
سهر .... طب نعمل قهوة وو
قطعتها نهي سريعا .... لا إلا القهوة أنا مش اشربها تاني دي خلتني سهرانة وما عرفتش انام خلاص وروحت نمت في الشغل حتي مازن إستغرب وقالي إنت مالك بتنامي كتير كده ليه قولتله لا والله ده أنا شربت قهوه بالليل .. وكمان إنت المفروض ما تشربيش تاني بالليل خلاص بقيتي تشتغلي ولازم تصحي بدري 
سهر بضحك .... هههههههه ماشي

خلاص نعمل يانسون يهدي اعصابنا 
نهي بمرح .... إذا كان كده أنا موافقه 
قاموا بإعداد المشروب وأخذوه ودلفوا الشرفة وسردت سهر كل ماحدث لها في الشركة ..
سهر بتنهيدة .... بس كده يا ست هو ده إللي حصل 
نهي بحب .... ربنا يسعدك يا حبيبتي 
سهر بإبتسامة .... حبيبتي يانونو ربنا يخليكي 
لتتذكر نهي شئ .. 
نهي .... بصي بقي يا ست إنت دلوقتي شغالة في شركة كبيرة يعني مظهر وكده 
أماءت رأسها بتعجب ..
لتكمل نهي حديثها .... يعني لازم ننزل نجيب لبس شيك كده ليكي عشان المظهر وكده 
سهر بتفكير .... فعلا أنا كنت عايزة بس أنت عارفة أنا ماينفعش اطلب من تيتا ولسه كمان أنا في تدريب يعني مش هقبض دلوقتي 
نهي ... يا ستي تيتا أصلا إللي قالتلي أقولك عشان أخدك .. وكمان أنا معايا ما تشيليش هم إنت بس
لتبتسم لها بحب فهي عكس والدها تماما ..
تنهدت سهر بعمق .... خلاص ماشي 
نهي بحماس .. أيوه بقي بكرة إن شاء الله اخدك بعد ما تخلصي الشغل ونروح 
ظهرت علي ملامحها التوتر .. فتسائلت ..
سهر.... إحنا هنروح لوحدنا ! و تفتكري ماماتك هتوافق
تفهمت نهي مقصدها .. فوالدتها صعب التحدث معها ..
نهي .... لا يا ستي أنا هقول لمازن يجي معانا بالعربية وكمان ماما كدة كده عايزاني أنزل عشان أجيب حاجات لجهازي وطالما معانا مازن هتوافق علي طول 
سهر بإرتياح .... تمام ماشي 
نهي بحماس .... تعالي بقي نحصرلك لبس بكرة 
إبتسامة لها سهر بحب ..
سهر .... إشطة يلاااا 
قاموا بتجهيز الملابس وبعد أن إنتهوا تركتها نهي وذهبت للمنزل لكي تتركها وتأخذ قسطا من الراحه ..
الفصل الرابع
ذهبت نهي إلي شقتها ودلفت للداخل وقامت بغلق الباب خلفها .. إلتفت لتجد والدتها تقف وتعقد ساعديها أمام صدرها لتقول .... كل ده تحت 
تنهدت نهي بخفوت ..
نهي .... أيوه يا ماما كانت سهر بتحكيلي عملت إيه في الشغل 
ماجدة بسخرية .... أاااه وياتري بقي المحروسة عملت إيه في الشغل 
زفرت نهي بضيق من حديث والدتة ..
نهي .... ماما أنا تعبانة وعايزه أنام عشان شغلي 
ماجدة .... ماشي يا نهي بس ياريت بقي تبطلي كل شويه تنزلي وشوفي مصلحتك إنت خلاص قربتي تتجوزي ولسه في حاجات نقصاكي وكل لما أقولك تقوليلي لسة .. إنت لو فضلتي معاها عمرك ما هتفلحي في حاجة 
تجاهلت نهي باقي حديثها ..
نهي .... ماشي يا ماما أنا بكرة نازلة مع مازن وهجيب الحاجات إللي نقصاني .. ينفع بقي تسمحيلي أنام عشان الشغل
إبتعدت ماجدة لتفسح لها الطريق .. 
ماجدة بتأفف .... إتفضلي إدخلي نامي 
سارت نهي نحو غرفتها وهي تتنهد بينما ماجدة سارت هي نحو غرفتها أيضا ..
..................................................
_ في صباح يوم جديد ..
كان عمها صلاح يجلس مع جدتها منتظرها .. إلي أن خرجت من غرفتها وهي تحمل حقيبتها لتقول .... أسفة ياعمي علي التأخير 
نظر لها دون أن يجيب ثم ودع والدته وإتجه للخارج فنظرت لها الجدة رقية .... قمر يا حبيبتي ربنا يحميكي ياارب 
إبتسمت لها سهر بحب ثم إقتربت منها ووضعت قبله علي چبنيها ..
سهر .... خلي بالك من نفسك وماتنسيش العلاج وتاخدية في وقته 
أماءت الجدة رأسها بإيجاب .. لتسير سهر خارج المنزل ثم ركبت السيارة لتنطلق لمقر الشركة ..
ليصلا في موعدهم ثم نزلت سهر ولكن لم تدلف ظلت واقفه تنظر عمها ولكن ..
صلاح .. أدخلي إنت أكيد عارفة مكتبك أنا أركن العربية وهدخل
أماءت رأسها بتفهم .. 
سهر .... ماشي 
دلفت سهر للداخل وكانت الكثير من الأعين تراقبها .. ما إن وصلت لمكتبها رأت أميرة تجلس علي مكتبها وتتصفح أوراق لتذهب إليها وتقوم بالصباح .. 
سهر بإبتسامة ... صباح الخير 
نظرت أميرة لها وبادلتها الإبتسامة .... صباح النور يا قمر .. عاملة إية 
سهر .... الحمدلله هو مستر هيثم لسه ماجاش 
أميرة بنفي .... لا لسه بس هو علي وصول 
سهر بإيماء .... تماام طب أنا المفروض أعمل إيه تاني 
قامت أميرة من مجلسها ووقفت أمامها ..
أميرة .... إحنا المفروض دلوقتي نظبط شوية ملفات تعالي معايا بقي عشان أوريكي هنعمل إيه 
سهر بحماس .... تماام يلا 
ليسيروا نحو مكتب سهر لكي تعلمها أميرة بعض الأشياء علي الحاسوب .. وبعد مدة جاء هيثم ليرأهم يجلسون فإتجه إليهم ليصبح عليهم ..
هيثم بود

.... صباح الخير 
سهر وأميرة في آن واحد .... صباح النور مستر هيثم 
هيثم موجها حديثة للأميرة .... ها يا مدام أميرة خلصتي الملفات 
أماءت رأسها بإيجاب ..
أميرة .... أيوه يا فندم كل حاجه خلصت 
هيثم .... تماام إبقي إبعتهملي علي مكتبي 
أميرة بتأكيد .... تمام يا مستر هيثم 
لينظر هيثم لسهر وهو يقول .... وإنت يا سهر تعالي ورايا المكتب 
نظرت لها وقد ظهر علي ملامح وجهها التوتر قليلا ..
سهر .... ماشي يا مستر هيثم 
ليسير لمكتبه بينما نظرت سهر لأميرة پخوف وتساؤل لتطمئنها أميرة .... ماتخافيش روحي يلا عشان ما تتأخريش عليه 
أخذت نفسا عميقا ثم أخرجته لتسير إلي مكتبه وطرقت علي الباب بخفه لتسمع صوتة وهو يؤذن لها .. فدلفت للداخل .. بينما كان هيثم يجلس علي مكتبه يعبث في هاتفة .. وما إن دلفت نظر لها ..
هيثم بجدية .... هااا يا سهر إيه رأيك في الشغل في مشكلة ولا حاجه
أماءت رأسها بنفي ..
سهر .... لا يا مستر بالعكس الشغل كويس جدا وأنا الحمدلله إتعلمت حاجات كتيرة البركة في أستاذه أميرة 
إبتسم هيثم علي حديثها ..
هيثم .... ماشي يا سهر طالما بقي الشغل عاجبك فا أنا عايز أشوف شغلك 
نظرت له بتساؤل فأكمل حديثة .... يعني دلوقتي أنا أديكي ملف والملف ده لازم يخلص إنهاردة وبكده أشوف شغلك 
أماءت رأسها بإيجاب .. ليشاور لها بأن تقترب ..
هيثم ... تعالي عشان اوريكي هتعملي إيه في الملف 
إقتربت سهر من مجلسة ثم نظرت علي الملفات الذي يمسكها وبدأ أن يشرح لها عما ستفعله وبعد أن إنتهي ..
هيثم بجدية .... فهمتي هتعملي إيه 
سهر بجدية .... أيوه يا مستر هيثم وإن شاء الله اخلصه في المعاد 
هيثم .... تمام تقدري تروحي لمكتبك دلوقتي
أماءت رأسها ثم ذهبت بإتجاه الباب وخرجت للخارج .. لتري أميرة جالسة علي مكتبها لتذهب لها .. لتنظر لها أميرة بتساؤل ..
أميرة .... هاا قالك إيه !!
تنهدت سهر .... عايز يشوف شغلي فإداني ملف أشتغل عليه وشرحلي إزاي أعمله 
أميرة بتفهم .... طب حلو اووي وكمان أنا معاكي لو حاجه وقفت معاكي .. أنا دلوقتي هطلبلك قهوة معايا عشان تعرفي تركزي وإنت بتعملية 
سهر بحب .... تسلميلي ياارب .. بس ممكن تبقي قهوة فرنساوي عشان مش بشرب السادة 
أميرة بمرح .... طب والله احسن حاجه أنا أصلا مش عارفة الناس بتشرفها إزاي سادة كده بس يلا ما أنا برضوا بشربها 
لتضحك سهر علي حديثها لتقول