روايه شهاب وتمارا

من فضلك يا امي بلاش تقولي كدة تاني. ده انا ماصدقت ترجعيلي.
ابتسام ابتسمت يا حبيبي العمر ده بتاع ربنا... المهم اني بعيش معاكم اجمل ايامي والله لو مۏت دلوقتي هبقي راضية ومبسوطة اوي.
شيري بزعل قربت منها واخدت نجمة منها بهدوء. وبعتاب كدة يا مامي ده كلام تقوليه... هو احنا نقدر نعيش من غيرك... والله حضرتك مالية علينا البيت . ونجمة برغم صغر سنها الا انها مجرد ما تسمع صوتك وتشيليها بتبسم . دي بتحبك اوي .. ارجوكي بلاش كلام عن المۏت.
ابتسام اتنهدت براحة . هي عمرها ما تخيلت انها تعيش الحياة دي. وتنعم بقرب ابنها ومراته وبنته. ابنها اللي تخيلت انه عمره ماهيسامحها ويغفرلها . بس ده ربنا سبحانه بيغفر ويسامح. يبقي احنا كبشر مش هنسامح. ربنا انعم عليها وعليه هو كمان بالكتيير اوي.
ابتسام ربنا مايحرمني منك يا شيري. والله لو ليا بنت ماهتحبني ولا تخاف عليا زيك. بجد مؤمن محظوظ بيكي اوي. وانا كمان. وبصت لنجمة وابتسمت. وكلنا محظوظين بنجمة حياتنا دي.
مؤمن بص عليهم وغمض عنيه وهو بيحمد ربنا علي كل اللي حصله ومر بيه. واتمني ربنا مايحرموش من جمعته مع عيلته الصغيرة اللي بقت هي دنيته وحياته. 
في مرسي علم في الاوتيل اللي كان سبب وجمع بينه وبين چنا . مروان قاعد قصاد البحر في نفس المكان اللي كانوا دايما يقعدوا فيه سوا.. مروان كان مهموم وحزين بيفكر في حاله واللي وصله. هو ازاي فجأة بقي كدة... حاسس ان الحزن والحرمان مصاحبه . مش عايز يسيبه . بقت كل حاجة شبه بعضها حكاية وجعه وحرمانه بتتكرر بس بشكل مختلف. بيحاول يبعد عن الناس علشان ماحدش يشوف انهزامه وانكساره وخصوصا ريما.. مش عايز ېجرحها اكتر بحزنه وانعزاله عنها وعن الناس. كفاية عليه تأنيبه لنفسه من اللي اتسبب فيه لچنا وعيلتها
داري ياقلبيحمزة نمرة 
مالك مش باين ليه! قلبك تااايه من مدة كبييرة ! 
خاېف تتكلم ليه! 
في عيونك حيرة وحكاوي كتييرة.
مروان دموعه في عيونه بيحاول يترجاها ترحمه. تعب بكي وحزن . بس هي رفضت رجائه ونزلت. بيفتكر لما حب ريما وعاش معاها ورضي 
بحاله . بس القدر غير كل شئ وقابل چنا وحبها وعاش معاها . وفي نص الطريق سابته . حاسس ان كل خطوة في حياته بيخطيها بيقع مش بيكمل . كل حاجة بيتخيل انها حلوة وهتحلي ايامه فجأة تتغير وتبقي شوك بيشوكه كل لما يخطي خطوة . احساسه بېموت يوم ورا يوم. دايما اللي حاوليه بيعاتبه ويلومه . دايما ماحدش حاسس بيه وباللي جواه. في البداية كان لوم وعتاب ريما ورعد.. وبعد كدة بقي عتاب الكل بسبب علاقته بچنا. دايما في موضع اتهام.
متغير ياااما عن زمااان . قافل علي قلبك البيبان. حبيت وفارقت كام مكان عايش جواااك. 
احساسك كل يوم يقل وتخطي وخطوتك تزل . 
من كتر ما احبطوك تمل . فين تلقي دواء.
بكي اكتر حاسس انه مكتوب عليه الحزن والحرمان ... اتحرم من قرب ريما وهي مراته وعايشة معاه. ببعدها عنه وانشغالها بحلمها.. وكمان لما بعدت عنه وسافرت وحرمته منها....... وچنا .. چنا اللي بعد ماحبها راحت منه اتحرم منها... وبقي خلاص لاقادر يرجع لريما زي زمان خالص ليها لوحدها من غي شريك. ولا قدر يكمل مع چنا وريما. لان خلاص چنا ماټت ومش هترجع. بقي مكتوب عليه كل مايحب حد ويتعلق بيه يودعه ويتحرم منه .
بتودع حلم كل يوم. تستفرض بيك المهموم . وكله كوم والغربة كوم والچرح كبيير . مابتديش حاجة اهتمام . اهلا اهلا سلام سلام. بقي طبعك قلة الكلام . ومافيش تفسير .
دااااري .. دااااري ياقلبي مهما تداااري . قصااااد الناااس حزننا مكشوف.
واهو عاااادي .. ععااااادي ماحدش في الدنيا دي بيتعلق بشئ الا وفراقه يشوف .
مروان فجأة لقي نفسه خسر كل اللي حاوليه واللي معاه من سنين .. اهله اصلا هو وحيد من سنين.. ريما ورعد خسرهم . خسر رعد اللي اتحول من مجرد واحد بيشتغل معاه. لأخو مراته وصاحبه وموضع ثقته وكاتم اسراره . خسره وخسر ثقته فيه. حتي ريما خسر جزء كبيير من حبها وقلبها. حتي لو هي لسة مكملة معاه بس الاكيد انها مش زي زمان ...
خسر أكمل واللي بقي صاحبه من سنيين وعمر بحاله بحكم علاقته برعد. بقي صديق مقرب ليه . خسره بسبب چنا وعلاقته بيها... 
خسر چنا نفسها وماټت بسبب انها حبته وعشقته. لقي نفسه عادا الكل وخسر الكل وفي النهاية بقي وحيد جواااه ۏجع وچرح يكفي بلاااد.
كل اللي معاك في الصورة غاب وطنك والاهل والصحاب.

________________________________________
كام واحد ودع وساااب من غير اسباب.
غمض عنيه بقوة وآلم . بيتمني يرجع بيه الزمن لورا سنة واحدة . ماكنتش عارف هو عايز يغير ايه بالظبط. ولا بيحن لمين بالظبط .