روايه شهاب وتمارا

السبب. كان لازم امنعك حتي لو بالقوة. ازاي سيبتك وست كلاب سعرانة زي دول. انا من اول يوم وقلبي بيقولي انك هتتأذي. بس ماتخيلتش ان الاذي ممكن يبقي دبحك بالشكل ده.
ايمن بحزن انت بتحمل نفسك كل ده ليه. انت نصحتها. وهي صممت. حمزة انت حبيتها.
حمزة بصله بحزن اللي انا فيه دلوقتي ده اكبر من الحب بكتيير . انا جوايا ناار بتاكل فيا. محسن دبحها ودبحني معاها.
حمزة دخل لفتون اللي نايمة علي الكنبة في مكتبه. قعد جنبها بحزن ومسك ايديها وباسها بقوة.. ومسح شعرها بحنان. 
انا اسف. يارتني عرفت من بدري يارتني لحقتك قبل ماتضيعي . بس اوعدك . مش هسيبك تضيعي اكتر من كدة. انتي من النهاردة هتفضلي معايا وقصاد عيني. ااااااه يافتون.
خلصت الحلقة وعارفة ان نهايتها مؤلم. بس هي الدنيا كدة بتضحك في وشنا وفي لحظة تضربنا بكل قوتها. دنيا دنية فعلا اوقات الجمال بيكون نقمة علي صاحبه مش نعمة. اللي حصل لفتون بيحصل لبنات وستات كتيبر. ولاسف. الجاني مش بيتعاقب ولا بيتحاسب. لان كلنا بنخاف من الڤضيحة. ويوم ماهنبلغ الضحېة هي اول واحدة هتتهم. ان هي اللي كانت سبب من الاسباب. والكل هيبعد عنها اكنها وصمة عار . وينسوا الحقېر الغادر اللي دبحها بدم بارد . والسبب الحقيقي هو الحوجة وسواد الايام. ستات وبنات كتيبر بتتحمل قذارة وحقارة ناس ماتسواش. علشان محتاجة مالهاش اللي يكفيها شرهم. اللي علشان اهلها واللي علشان ولادها. ويوم ما توقع. ماحدش بيفكر في كل ده. وهي بتبقي المتهم كمان مش الضحېة وممكن يتقال هي اللي غوته. اللي حصل مؤلم. بس موجود ياريت مانحكمش علي حد واحنا ايدينا في مياه باردة نحط نفسنا مكان اللي بينكوي پالنار علشان نحس بوجعه وحړقة قلبه.
اشوفكم علي خير الحلقة اللي جاية. وياريت ماحدش يقولي الحلقة قصيرة . البارت طويل ومش بيفتح عند ناس كتير..كمان بعد مشهد فتون وحمزة . كان صعب عليا اكتب حاجة تانية. عذرا
يتبع .

في ڤيلا عدي
في أوضة مايا. مايا في السرير وكلهم حاواليها.
عدي بحزن ينفع اللي عملتيه ده. ازاي تروحي المستشفي لوحدك من غير ماتقولي لحد. افرضي جرالك حاجة. اياكي تعملي كدة تاني فاهمة.
مايا ابتسمت اسفة يا بابي بس حقيقي ماحبتش ابوظ عليكم حفلتكم . كمان الحمد لله اني قابلت دكتور أنس ده انسان جميل اوي يابابي.
كريم ابتسم وغمزها ايه يا مايو مالك هي غمزت اخيرا ولا ايه.
مايا بعصبية انت مچنون ولا ايه. انا بتكلم عنه كإنسان ودكتور مش اكتر. مش علشان اللي في دماغك.
عدي بس يا كوكي ما تبوظش اللحظة دي لو سامحت. وابتسم. قوليلي يا مايو هو انتي اتعرفتي علي أنس من الحفلة ولا من قبل كدة.
مايا لا اول مرة اشوفه في الحفلة. ليه يا بابي!
عدي بحيرة لا ابدا مافيش حاجة. انا بس بسأل.
مايا احممم . هو هو شهاب كان فين انا قبل ما اتعب دورت عليه في كل مكان في الحفلة وبرا مالقتهوش. ولا كمان زميلته تمارا دي. هما مشيوا مع بعض.
عدي بص لهنا بيأس واتنهد واحنا هنعرف منين . الحفلة ماليانة وكلنا مشغولين. وبتردد. علي فكرة انا عايز بس اعرفك ان أنس يبقي اخو تمارا زميلة شهاب. والاتنين ولاد اللواء مهاب هما ساكنين معانا هنا في نفس الكومبوند.
مايا قلبها اتملي غل وغيظ مين! ازاي زفته دي تكون اخت أنس. دول مختلفين تماما.
هنا ممكن تسيبك منها ومن اخوها وتخليكي في صحتك.
مايا بتتولد جواها غيرة قوية من مجرد مابتسمع اسم تمارا. كمان حاست بالنفور من أنس لمجرد انها عرفت انه اخوها.
مايا پغضب ممكن تسيبوني لوحدي انا عايزة انام.
حلا بحنان انا هفضل جنبك علشان انا قلقانة عليكي.
مايا لا روحي اوضتك انتي. انا بقيت كويسة.
چوري ابتسمت سلامتك يا مايو حبيبتي.
كارما انا بدعيلك ربنا ينهي عذابك ده. ونلاقي متبرع تعملي العملية دي.
أمير انا اقترحت كتيير اننا نشتري كلي بس بابا بقي مش موافق.
عدي پغضب انا اكتر واحد فيكم يهموا حياة مايا وصحتها. بس ده مش معناه اني اروح اشتريها من واحد بيبيع حته منه علشان محتاج. انا عمري ما اقبل اني استغل حوجة الناس. كمان الدكتارة بتشوف متبرع تكون صحته كويسة ويقدر يعيش بكلي واحدة. لان حياة الانسان ده تهمني زي مايا لازم يكون ضميري مرتاح. مش بني ادم بيبيع حته منه كمان لازم التحاليل تكون مناسبة. واحنا كلنا حاولنا بس ماحدش فينا ينفع يديهالها. واخر مرة حد يجيب سيرة البيع دي تاني. فاهمين.
كلهم بصوا لأمير لانه فتح الموضوع ده تاني مع تحزير عدي انهم مايتكلموش فيه.
هنا يالا يا ولاد روحوا نامو وسيبوا مايا ترتاح.
خرجوا كلهم وكل واحد راح اوضته وهنا وعدي كمان راحوا اوضتهم وغيروا هدومهم. عدي شايف هنا متغيرة وشكلها حزين. كانت واقفة بتسرح شعرها. قرب منها وحضنها من ظهرها وبرقة.
عدي حبيبتي مالها.